Еркеш Хасен - Тағдыр

Көңілсіз күйдің шері,
Амалсыз қидым сені,
Ешкімді кінәламай сүйдім сені.

Өмірден өтінбеймін,
Жаурасаң от үрлеймін,
Ешқашан сүйгеніме өкінбеймін.

Күлімдеп мәз болғанға,
Жабырқау жат емес түк.
Бақытқа аз қалғанда,
Біз неге қателестік?

Бақытты сәт елестер,
Аспанда ай таранып,
Көп ғашық қателескен,
Біз соны қайталадық.

Ризамын тағдырыма,
Тағдырдың жарлығына,
Кінәлі мен болайын барлығына.

Көрсетер уақыт үлгі
Табарсың жақұтыңды,
Мен сенің тілеп өтем бақытыңды